اسلام آباد۔3 اکتوبر (اے پی پی) وفاقی وزیر اطلاعات و نشریات عطاء اللہ تارڑ پارلیمانی رپورٹرز ایسوسی ایشن دے نویں منتخب عہدیداراں کوں مبارخ ݙیندے آکھیے جو آزاد، فعال تے متحرک میڈیا جمہوریت دی مضبوطی تے جمہوری اقدار دے ودھارے کیتے ایجھا ضروری اے۔ اپݨے بیان وچ وفاقی وزیر اطلاعات پارلیمانی رپورٹرز ایسوسی ایشن دے نویں منتخب صدر ایم بی سومرو، نائب صدر عثمان خان کاکڑ، سیکرٹری نوید اکبر، جوائنٹ سیکرٹری اورنگزیب کاکڑ، انفارمیشن سیکرٹری جاوید حسین، فنانس سیکرٹری شاکر عباسی تے گورننگ باڈی دے ݙوجھے ارکان کوں مبارخ ڈتی۔ عطاء اللہ تارڑ آکھیے جو حکومت اظہار رائے دے بنیادی، جمہوری تے آئینی حق تے پورا یقین رکھدی اے، آزاد، فعال تے متحرک میڈیا جمہوریت دی مضبوطی تے جمہوری اقدار دے ودھارے کیتے ضروری اے۔ انہاں آکھیا جو پارلیمانی رپورٹرز ایسوسی ایشن دے نویں منتخب عہدیداراں دی کامیابی صحافتی برادری دے اعتماد دی علامت اے۔ پارلیمان دی کارروائی عوام تئیں پُڄاوݨ وچ پی آر اے دے کردار دی تعریف کریندے وفاقی وزیر امید ظاہر کیتی جو پی آر اے دے نویں منتخب عہدیداران صحافت دے اعلیٰ پیشہ ورانہ معیارات کوں ٻیا ودھیسِن۔ انہاں آکھیے جو امید اے پی آر اے دے نویں منتخب عہدیداران صحافی برادری دے حقوق دے تحفظ کیتے اپݨا پورا کردار ادا کریسِن۔
.jpg)
