اسلام آباد۔2مئی(اے پی پی) وفاقی وزیر موسمیاتی تبدیلی و ماحولیاتی رابطہ ڈاکٹر مصدق ملک قطر دے وزیر ماحولیات و موسمیاتی تبدیلی ڈاکٹر عبداللہ بن عبدالعزیز، یورپی کمیشن دے ڈائریکٹر سرکلر اکانومی کیوبانو ڈورڈیا اتے جنیوا اچ اقوامِ متحدہ و ٻئے ماحولیاتی اداریں دے نمائندگان نال اعلیٰ سطحی ملاقاتاں کیتن۔ وزارت ماحولیاتی تبدیلی توں جاری بیان موجب انہاں ملاقاتاں دا مقصد ماحولیاتی اتے موسمیاتی چیلنجز دے حوالے نال ݙو پاسے تے کثیرالملکی تعاون کوں ودھارا ݙیوݨ ہئی ۔ ڈاکٹر عبداللہ بن عبدالعزیز نال ملاقات اچ وفاقی وزیر ڈاکٹر مصدق ملک ماحولیات دے تحفظ، موسمیاتی تبدیلی نال ہم آہنگی، جنگلی حیات دے تحفظ، صاف توانائی اتے کاربن مارکیٹ دی ترقی جیھے شعبیں اچ تعاون کوں مزید وسعت ݙیوݨ تے ڳالھ مہاڑ کیتی ۔ ݙوہیں وزراء پیٹروکیمیکل ری سائیکلنگ ٹیکنالوجیز، کاربن ٹریڈنگ/آ?? سیٹ اتے علاقائی کاربن مارکیٹ دے نظام جیھے شعبیں اچ سانجھے مفاد تے مبنی مشترکہ اقدامات سانڳے اپݨے عزم دا اعادہ کیتے۔ کیوبانو ڈورڈیا نال ملاقات اچ ڈاکٹر مصدق ملک سرکلر اکانومی اتے پائیدار ترقی دے اصولاں توں پاکستان دی ودھدی وابستگی تے روشنی پاتی۔ انہاں ایں ڳالھ تے زور ݙتے جو عالمی فریم ورک کوں ترقی پذیر ملکاں دے نقطہ نظر کوں بہتر طریقے نال شامل کرݨا چاہیدے۔ انہاں پاکستان دی گرین اکانومی دی ط??فو?? منتقلی سانڳے گرین کلسٹر دی ترقی اتے اختراع تے مبنی شراکت داریاں دی کوششاں کوں اجاگر کیتے ۔ جنیوا اچ اقوامِ متحدہ اتے ماحولیاتی تنظیماں دے نمائندگان نال ملاقاتاں اچ پاکستان دی ط??فو?? ماحولیاتی تحفظ، موسمیاتی مالیات اتے صاف توانائی سانڳے تعاون ودھاوݨ تے ڳالھ مہاڑ کیتی ڳئی ۔ڈاکٹر مصدق ملک ترقی پذیر ملکاں کوں موسمیاتی انصاف دی فراہمی اتے ٹیکنالوجی دی منتقلی اچ عالمی برادری دے کردار تے زور ݙتے۔ ملاقاتاں اچ ایں امر تے زور ݙتا ڳئے جو پاکستان بین الاقوامی شراکت داریاں توں فیدہ چاتے آپݨی صلاحیتاں ودھاوݨ ، صاف ٹیکنالوجی تئیں رسائی گھنݨ تے گرین سیکٹرز اچ نجی شعبے دے اشتراک توں معاشی تعاون کوں ودھارا ݙیوݨ سانڳے پُرعزم اے۔ قطری، یورپی تے اقوامِ متحدہ دے فریقین پاکستان دے متحرک ماحولیاتی وژن دی تعریف کیتی تے عالمی پائیداری دے اہداف دے حصول اچ ایندے تعمیری کردار کوں خوش آئند قرارݙتے ۔ وفاقی وزیر ڈاکٹر مصدق ملک ایں عزم دا اعادہ کیتے جو پاکستان بین الاقوامی شراکت داراں نال نیڑے تعاون جاری رکھیسی تاں جو مشترکہ ماحولیاتی چیلنجز نال نبڑیا ونڄ سڳے ، سبز معیشت دے پاسے منتقلی کوں تکھا کیتا ونڄ سڳے تے عالمی سطح تے موسمیاتی اقدامات دے پلیٹ فارمز تے بامعنی کردار ادا کیتا ونڄ سڳے۔
.jpg)
.jpg)
