اسلام آباد۔26فروری(اے پی پی)وزیراعظم محمد شہباز شریف بارکھان دے علاقے رکنی بازار اچ دھماکے دی مذمت کریندے وزیراعلی اتے آئی جی پولیس بلوچستان توں رپورٹ منڳ ڳھدی اے۔ وزیراعظم دھماکے اچ قیمتی جاناں دے ضیان تے افسوس کریندے متاثرہ ٹبڑاں نال ہمدردی کیتی اے اتے آکھیے جو ناحق معصوم لوکاں دی رت وہاوݨ آلیاں کوں نشان عبرت ٻݨیسوں، دہشتگرد سزا توں نا بچ سڳسن۔ انہاں فوت تھیوݨ آلیاں کیتے فاتحہ پڑھی اتے زخمیاں دی تیکھے صحتیابی دی دعا کیتی۔
