اسلام آباد ۔ 29 مئی (اے پی پی) پاکستان منرل ڈویلپمنٹ کارپوریشن (پی ایم ڈی سی) دے منیجنگ ڈائریکٹر قاضی ساجد وفاقی وزیر پٹرولیم عمر ایوب خان اتے وزیراعظم دے سپیشل اسسٹنٹ ندیم بابر کوں کارپوریشن دے کم توں متعلق بریفنگ ڈتی۔ پی ایم ڈی سی دے بورڈ آف ڈائریکٹرز دے چیئرمین شمس الدین شیخ سمیت سینئر حکام وی ایں موقع تے موجود ہن۔ بدھ کوں جاری پریس ریلیز مطابق اجلاس اچ کارپوریشن دی صلاحیت ودھاونڑ اتے اینکوںجدید تقاضیاں نال جوڑن بارے امور تے گالھ مہاڑ کیتی گئی۔ وفاقی وزیر کارپوریشن دے کم دی تعریف کریندے ہوئیں ایندی صلاحیت ودھاونڑ اتے تحقیق تے ترقیاتی سرگرمیاں ودھاونڑ دی ضرورت تے زور ڈتا۔
