اسلام آباد۔29اکتوبر(اے پی پی) سیکرٹری بینظیر انکم سپورٹ پروگرام عامر علی احمد آکھیے ملک دے پرے دے علاقیں توں تعلق رکھݨ آلے بے نظیر انکم سپورٹ پروگرام دے خواہشمند مستحقین دی رجسٹریشن دے عمل کوں سوکھا بݨاوݨ کیتے ممکنہ طور تے موبائل رجسٹریشن سروس نومبر تئیں فعال تھی ویسی تاں جو ملک دے پرے دے علاقیں اچ رہݨ آلے مستحقین دی رجسٹریشن دے عمل کوں سوکھا بݨایا ونڄ سڳے ۔ سیکرٹری موجب موبائل رجسٹریشن مراکز توں پرے دے علاقیں اچ رہݨ آلیاں مستحق تریمتاں کوں موبائل گاݙیاں دے ذریعے رجسٹریشن دی سہولت مل ویسی،نیشنل سوشل اکنامک رجسٹری دے موبائل رجسٹریشن مرکز کیتے کل 25 موبائل وینز رلائیاں ویندیاں پئن جیڑھے جو انہاں لوکاں کوں سہولت ݙیسن ۔
