اسلام آباد۔13اگست (اے پی پی):صدر مملکت ڈاکٹر عارف علوی قیدیاں دی سزا گھٹ کرݨ دا اعلان کرݙتے ۔یوم آزادی دے موقع تے سزاواں گھٹ کرݨ آئین دے آرٹیکل 45 دے تحت کیتی ڳئی اے ۔ ایوان صدردے پریس ونگ توں جاری بیان موجب جیلاں اچ رہݨ آلے قیدیاں دیاں سزاواں اچ پنجویں حصے دی کمی کیتی ویسی ۔ صدر 65 سال یا ایں توں ودھ عمر دے مرد قیدی جیڑھے 15 سال يا ایں توں ودھ قید کٹ چکن انہاں کیتے بقایا سزا اچ مکمل چھوٹ دا اعلان کیتے ۔ 60 سال یا ایں توں ودھ عمر دیاں تریمتاں جیڑھیاں جو 10 سال یا ایں توں ودھ قید کٹ چکئن کیتے بقایا سزا اچ مکمل چھوٹ دا اعلان وی کیتا ڳئے ۔قید دی سزا دا ترائے چوتھائی حصہ کٹݨ آلے قیدیاں دی سزا تے مکمل چھوٹ دا اعلان کیتا ڳئے ۔20 سال دی قید مکمل کرݨ آلے قیدیاں دی سزا اچ مکمل چھوٹ دا اعلان کیتا ڳئے ۔سزاواں گھٹ تھیوݨ دا اطلاق سزائے موت، جاسوسی، گینگ ریپ، بینک ڈکیتی، ریاست مخالف سرگرمیاں، زنا، اغوا اتے ڈکیتی دے مجرماں تے کائناں ہوسی ۔
