اسلام آباد۔22جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے جو ایجھی کوئی صورتحال نہ ہوسی جیں توں الیکشن دے انتظامات اتے انعقاد اچ کوئی مسئلہ تھیوے۔ میڈیا نال ڳالھ مہاڑ کریندے ہوئیں انہاں آکھیے لوکاں دیاں زندگیاں کوں خطے تے الرٹس جاری تھیندن ، متعلقہ ادارے حفاظتی اقدامات کریندے پئن ، انہاں الرٹس دا الیکشن دے انعقاد نال کوئی تعلق کائنی۔ انہاں آکھیے ایجھے مسئلے ماضی اچ وی تھیندے رہ ڳئن ، 2008 اتے 2013 دے انتخابات اچ سکیورٹی دے مسئلے زیادہ ہن، اللہ تے بھروسہ اتے سکیورٹی اداریں دی صلاحیتاں تے اعتماد رکھیا ونڄے، انتخابات انشاء اللہ 8 فروری 2024 کوں تھیسن۔ ھک سوال دے جواب اچ انہاں آکھیے میکوں پورا یقین اے جو ایجھی کوئی صورت حال نہ ہوسی جیں توں الیکشن دے انتظامات تے انعقاد اچ کوئی مسئلہ تھیوے ۔
.jpg)
