اسلام آباد ۔08 دسمبر(اے پی پی)پاکستان تحریک انصاف دی حکومت ولوں سرکاری عمارتاں عوام سانگے کھولنڑ دے فیصلے ضمن اچ ایوان صدر کوں ہفتے آلے ڈینھ عام شہریاں سانگے کھول ڈتا گیا۔جڑواں شہراں (اسلام آباد اتے راولپنڈی) سمیت ملک دے مختلف حصیاں توں آئے لوکاں ایوان صدر دے مختلف حصیاں دا دورہ کیتا۔ ایوان صدر آونڑ آلیاںکوں قومی شناختی کارڈ اپنڑے کٹھے گھن آونڑ دی تاکید کیتی گی ہائی ،جیندے بعد ہفتے دی سویل توں ہی لوک وڈی تعداد اچ ایوان صدر پجنڑشروع تھی گئے جتھاںشناختی کارڈ دی گول پھرول دے بعد انہاں کوں داخلے دی اجازت ڈتی گئی۔ ایں موقع تے شہریاں گالھ بات کریندے ہوئیں آکھیا جو ایوان صدر سمیت وی آئی پی عمارتاں دے بوہے عوام سانگے کھولنڑ دا تحریک انصاف دی حکومت دا فیصلہ خوش آئند ہے، ماضی اچ صرف طاقت اتے اختیارات رکھنر آلے لوک انہاں سرکاری عمارتاں اچ آندے ہن لیکن موجودہ حکومت انھاں عمارتاںکوں عوام سانگے کھول ڈتے۔ سابق قبائلی علاقے توں آونڑ آلے ہک طالب علم ڈسایا جو اینکوںاج ایوان صدر دی خوبصورت عمارت دی سیر دا موقع ملیا،حکومت دا یہ فیصلہ ودا خوش آئند ہے،اینکوں صرف قومی شناختی کارڈ ڈکھاونڑ تے داخلے دی اجازت ملی۔ ہک بئے شہری ڈسایا جوا وہ وفاقی دارالحکومت اچ گزریل 20 سال توں رہندا پئے لیکن ایوان صدر ڈیکھنڑ دا موقع کداہیں نی ملیا نہیں ،تاں جو اج اوندی ا یہ مقام ڈیکھنڑدی خواہش پوری تھی گئی،ا یہ تحریک انصاف دی حکومت داچنگا فیصلہ ہے۔ ایوان صدر کوں سویل 9 وجے توں شام 4 وجے تئیں عام لوکاں سانگے کھولیا گئے۔ ایں توں پہلے گورنر ہاﺅس کراچی، گورنر ہاﺅس لہور اتے گورنر ہاﺅس پشاور کوں وی عوام سانگے کھولیا جا چکے۔ ہفتے آلے ڈینھ ایوان صدر ڈیکھنر سانگے آونڑ آلیاں اچ تریمتیں، بالاں اتے بزرگاں دی وڈی تعداد شامل ہائی۔ بالاں ایوان صدر دے چڑیا گھر اچ خصوصی دلچسپی دااظہار کیتا۔
.jpg)
