لاہور۔5نومبر (اے پی پی):نگران وزیراعلی پنجاب محسن نقوی دی صدارت اچ وزیر اعلی آفس اچ ون ونڈو آپریشن دے قیام دے حوالے نال خصوصی اجلاس تھیا جیں اچ لاہور اچ سرمایہ کاراں تے صنعتکاراں کیتے ون روف،ون سٹاپسلوشن تے تجویزاں دا جائزہ ڳھدا ڳئے ۔ اجلاس کوں ݙسایا ڳئے جو فیڈمک،پیڈمک اتے پنجاب سمال انڈسٹریز کارپوریشن ون ونڈو آپریشن سنٹر اچ سروسز ݙیسن ، لوکل گورنمنٹ، ماحولیات، ہاؤسنگ تے ٻئے محکمیں دے بااختیار افسران ون ونڈو سنٹر اچ موجود ہوسن ۔ لیسکواتے سوئی گیس دے کاؤنٹروی ون ونڈو سنٹر اچ بݨائے ویسن ۔ ون ونڈو سنٹر اچ زمین انتقال، نقشہ پاس کرݨ تے ماحولیات دے این او سی دی سہولت میسر ہوسی۔ ون ونڈوسنٹر دے کاؤنٹر دے افسران درخواست دہندگان دا فارم خود پرکریسن ۔ ون ونڈو سنٹر تے آپریشن 5مرحلے اچ مکمل کیتا ویسی ۔ 10ݙینھ اچ کارروائی مکمل نہ تھیوݨ تے متعلقہ سیکرٹری دے ڈیش بورڈ تے سرخ نشان نمودار ہوسی۔ ون ونڈو سنٹر کیتے آپریشنل ریویو کمیٹی اتے سٹیئرنگ کمیٹی بݨا ݙتی ڳئی اے ۔صوبائی وزیر صنعت وتجارت ایس ایم تنویر،چیف سیکرٹری، سیکرٹریز انڈسٹریز،خزانہ،ماحولیات،لوکل گورنمنٹ، ہاسنگ، جنگلات،ڈی جی ایل ڈی اے،چیئرمین پنجاب انفارمیشن ٹیکنالوجی بورڈ، چیف ایگزیکٹو آفیسر فیڈمک اتے متعلقہ حکام اجلاس اچ شرکت کیتی ۔
