مڪو پاڪ – 18 اپريل(اي پي پي) سعودي عرب ۾ عالم اسلام جي ٻن مقدس ترين مسجدن مڪي پاڪ جي مسجد الحرام ۽ مديني پاڪ جي مسجد نبوي ۾ 27 هين رمضان جي رات جو 25 لک ماڻهن عشا جي نماز ۽ تراويح ادا ڪئي. سعودي عرب جي خابرو اداري مطابق مسجد الحرام ۽ مسجد نبوي ۾ وڏي انگ ۾ ماڻهن عشا جي نماز ۽ تراويح ادا ڪرڻ لاءِ وقت کان اڳ ئي پڄي ويا، ٻنهي مسجدن جون سموريون منزلون، تحخانه، ڇتون ۽ ڀرپاسي وارا علائقا نمازين سان ڀرجي ويا، نمازين ۾ سعودي واسي ۽ اتي ترسيل پرڏيهي ۽ زائرين شامل هئا. الحرمين الشريفين انتظاميا 27 هين رمضان جي رات جي حوالي سان خاص انتظام ڪيا هئا. ان موقعي تي مطاف ۾ 02 لک کان وڌيڪ آب زم زم جون بوتلون، صفا ۽ مروه وچ ۾ تحفن جا 600 ٿيلها ورهايا ويا. پيرسن ۽ معذور زائرين لاءِ 03 هزار اليڪٽرڪ ويل چيئرز فراهم ڪيون ويون هيون جن لاءِ 04 دروازا مختص هئا.
