اسلام آباد۔7جون(اے پی پی):صدر مملکت آصف علی زرداری پرنس رحیم آغا خان کوں پاکستان سانڳے خدمات دے اعتراف اچ ’’??شا?? پاکستان‘‘ دا ایوارڈ عطا کرݙتا ۔اے ایوارڈ پاکستان اتے ایندے عوام دی ترقی اتے فلاح اچ انہاں دی شاندار خدمات اتے کردار دے اعتراف اچ ݙتا ڳئے ۔ ایوان صدر دے پریس ونگ موجب ایوان صدر اچ منعقدہ خصوصی تقریب اچ وزراء، ارکان پارلیمنٹ، سفارت کاراں اتے سرکاری افسران شرکت کیتی۔معزز مہمان کوں ایوارڈ کمرشل بینکنگ، مائیکرو فنانس، انشورنس، پائیدار سیاحت اتے قابل تجدید توانائی دے شعبے اچ قائدانہ کردار دے اعتراف اچ ݙتا ڳئے ۔آغا خان ترقیاتی نیٹ ورک پاکستان اچ تقریباً 5 کروڑ لوکاں کوں مالیاتی خدمات تئیں رسائی وی ݙتی اے ۔ بعد اچ پرنس رحیم آغا خان صدر مملکت آصف علی زرداری نال ملاقات کیتی تے جیں اچ پاکستان دی سماجی و اقتصادی ترقی اچ آغا خان ڈویلپمنٹ نیٹ ورک دے کردار تے ڳالھ مہاڑ کیتی ۔چیئرمین ??بی?? بینک لمیٹڈ سلطان علی الانہ اتے اعلیٰ سرکاری افسران وی ملاقات اچ شرکت کیتی ۔ صدر مملکت کوں پاکستانی عوام دی فلاح سانڳے مختلف شعبیں اچ آغا خان نیٹ ورک دے کردار اتے ترقیاتی منصوبیں دا ݙسایا ڳیا ۔صدر مملکت پاکستان آوݨ تے پرنس رحیم آغا خان دا شکریہ ادا کیتے۔صدر مملکت ملک دی تعلیمی ترقی تے توجہ ݙیوݨ دی لوڑھ تے زور ݙتا صدر مملکت پاکستان دی سماجی و اقتصادی ترقی اچ آغا خان خاندان دے کردار دی تعریف کیتی ۔پرنس رحیم آغا خان ??شا?? پاکستان نال نوازݨ تے صدر مملکت دا شکریہ ادا کیتے۔
