راولپنڈی۔20فروری (اے پی پی):شمالی وزیر ستان اچ سکیورٹی فورسز دہشت گرداں دی موجودگی دی اطلاعات تے کاروائی کریندے ہوئیں 5 دہشت گرد ہلاک کرݙتن جݙاں جو ھک سپاہی شہید تھی ڳئے ،دوران آپریشن اسلحہ اتے گولہ بارود برآمد وی کرڳھدا ڳئے ۔آئی ایس پی آر دی طرفوں جاری بیان موجب دہشت گرداں توں فائرنگ دے تبادلے اچ کوئٹہ توں تعلق رکھݨ آلے 28 سالہ سپاہی شبیر جام شہادت نوش کیتے۔آپریشن اچ ماریے ونڄݨ آلے دہشت گرداں اچ عبدالرحمان، وحیداللہ،حبیب نواز عرف شکیل اتے محمداللہ شامل ہن،جݙاں جو ماریے ونڄݨ آلے پنجویں دہشت گرد دی شناخت داعمل جاری اے،ہلاک تھیوݨ آلے دہشت گرد سکیورٹی فورسز تے حملیں اچ ملوث ہن ، اے دہشت گردٹارگٹ کلنگ اتے اغواء تاوان جیہاں وارداتاں وی کریندے ہن ۔ ݙوجھے پاسے فوج دے محکمہ تعلقات عامہ آکھیے جو پاک فوج دہشت گردی دی لعنت کوں مکاوݨ کیتے پرعزم اے،بہادر جواناں دیاں قربانیاں ساݙے عزائم کوں مزید تقویت ݙیندن۔
