اسلام آباد۔24ستمبر (اے پی پی):وزیراعظم محمد شہباز شریف آکھیے جو اقوام متحدہ دی جنرل اسمبلی اچ میری تقریر دا بنیادی مقصد دنیا کوں اے ݙساوݨ ہئی جو جیں موسمیاتی آفت دا دنیا کوݨ سامݨا اے جے ایندے سدباب کیتے فوری اقدامات نہ کیتے ڳئے تاں ایندیاں تباہ کاریاں پاکستان تئیں محدود نہ رہسن ، دنیا تے واضح کیتے جو پاکستان بھارت دے نال پرامن تے چنڳے ہمسائیگی تعلقات چاہندے ایں کیتے بھارت غیر قانونی زیرتسلط جموں وکشمیر اچ 5 اگست 2019 دا یکطرفہ اقدام واپس گھنے۔ ہفتہ کوں آپݨے ٹویٹ اچ وزیراعظم آکھیے جو اقوام متحدہ دی جنرل اسمبلی اچ میݙے خطاب دا خلاصہ اے ہئی جو دنیا خبردار رہے جو انسانیت کوں کیا خطرات درپیش ہن، پاکستان اڄ کل جیڑھی موسمیاتی آفت دا سامݨا کریندا پئے جے وختی ایں دے سدباب کیتے اقدامات نہ چاتے ڳئے تاں اے سلسلہ پاکستان تئیں ہی محدود نہ رہسی بلکہ اے انسانیت کیتے ہمدردی تے تشویش دا پہلو اے۔ وزیراعظم آکھیے ساݙی خارجہ پالیسی کیتے پیش آندے اہم مسئلیں تے پاکستان دا موقف بیان کرݨ دے نال نال میں دنیا تے واضح کیتے جو پاکستان بھارت دے نال پرامن تے چنڳے ہمسائیگی تعلقات چاہندے ایں کیتے بھارت کوں 5 اگست 2019 دے یکطرفہ اقدام اتے ایندے بعد آبادی دے تناسب دی تبدیلی سودھے ٻئے چاتے ڳئے اقدامات روکݨے ہوسن ۔
