اسلام آباد۔12جولائی(اے پی پی) پاکستان تے آذربائیجان توانائی، تجارت، رابطے، دفاع اتے عوام دے عوام نال رابطے دے شعبیں سودھے سانجھے ف??دہ مند تعاون ودھاوݨ دے عزم دا اعادہ کیتے۔ ایں عزم دا اعادہ ایوان صدر اچ صدر مملکت آصف علی زرداری تے پاکستان دے دورے تے آئے آذربائیجان دے صدر الہام علیوف دی ملاقات اچ تھئے۔ ایوان صدر دے پریس ونگ توں جاری بیان موجب صدر مملکت آذربائیجان دے صدر دا خیرمقدم کریندے آکھیے ݙوہیں ملکاں وچال چنڳے تعلقات ہن تے سانجھی دلسچسپی دے وکھرے شعبیں اچ تعلقات مزید چنڳے کرݨ دی وݙی گنجائش اے ۔ انہاں ݙو پاسے تعلقات مستحکم کرݨ سانڳے پاکستان اتے آذربائیجان دے عوام اتے تاجراں وچال مزید رابطے دی لوڑھ تے زور ݙتا۔ انہاں گوادر بندرگاہ دی اہمیت ݙسیندے آکھیے وسطی ایشیائی ملکاں تے آذربائیجان ایں توں علاقائی تجارت، رابطے تے سیاحت کوں ودھارا ݙیوݨ دے علاوہ خطے اچ سانجھے اقتصادی خوشحالی گھن آوݨ سانڳے ف??دہ چا سڳدن۔ صدر مملکت پاکستان تے آذربائیجان وچال مفاہمت دی یادداشتاں تے دستخط دا خیرمقدم کیتے۔ انہاں آکھیے مفاہمت دی یادداشتاں نال تجارت ، سیاحت، کان کنی ، معدنیات، سائنس و ٹیکنالوجی، ثقافت، قا??ون تے انصاف دے شعبیں اچ ݙو پاسے تعاون کوں نویں تحریک ملسی۔ صدر آصف علی زرداری آکھیے مشرقی ملکاں اچ دنیا کوں خوشحالی دے پاسے گھن ونڄݨ دی صلاحیت موجود اے ، پاکستان وسطی ایشیائی ملکاں تے آذربائیجان نال پائیدارتے نتیجہ خیز رابطے بݨاوݨ چاہندے۔ آذربائیجان دے صدر الہام علیوف آکھیے پاکستان تے آذربائیجان وچال چنڳے عوامی رابطے ہن ݙوہیں ملکاں کوں اقتصادی تعلقات ودھاوݨ سانڳے کاروباری تعلقات ودھاوݨے ہوسن۔ الہام علیوف آکھیے پاکستان اتے آذربائیجان قابل ِتجدید توانائی دے شعبے اچ رل تے کم کرݨ دے امکان ڳول سڳدن ۔ بعد اچ صدر مملکت ایوان صدر اچ صدر الہام علیوف اتے انہاں دے وفد دے اعزاز اچ ظہرانہ ݙتا۔ ظہرانے اچ وزیراعظم محمد شہباز شریف، و??اق?? وزراء، ارکان پارلیمنٹ، سفارتکاراں تے صحافیاں شرکت کیتی
