اسلام آباد ۔ 11 اکتوبر (اے پی پی) دفتر خارجہ دے ترجمان ڈاکٹر محمد فیصل آکھیے جو پاکستان خطے اچ اسلحہ دی مقابلہ بازی نئیں چاہندا،ساڈی خارجہ پالیسی اچ کوئی بہام کائنی، باھرت نال تعلقات سانگے کوئی خفیہ پالیسی نئیںچلیندے پئے،امریکا نال حالات چنگے تھیندے پین۔اسلام آباد اچ ہفتہو ار پریس بریفنگ اچ انہاں آکھیا جو پاکستان اسلحے دی مقابلہ بازی نئیں چاہندا، بھارت کوں اسلحہ ڈیونڑ آلے ملک خطے کوں عدم توازن دا شکار کرنڑ توں احتیاط کرن، وزیر اعظم عمران خان مذاکرات کیتے بھارت کوں خط لکھیا ہا جیندا بھارت پہلے خیر مقدم کیتا بھل بعد اچ آپ مُکر گئے۔ترجمان آکھیا جو عالمی عدالت انصاف اچ کلبھوشن یادیو کیس دی سماعت آندے سال 18توں 21 فروری کوں تھیسی،نویں اٹارنی جنرل کیس دی پیروی جڈاں جو وکالت معروف وکیل خاور قریشی کریسن۔ انہاں آکھیا جو سی پیک تے کوئی نظرثانی کائنی کیتی ویندی پئی، ایندے اچ سعودی عرب دی رلت سانگے معاملات تے غور کیتا ویندا پئے جڈاں جو امریکی ایلچی زلمے خلیل زاد دا دورہ چنگا ثابت تھئے اتے امریکا نال پاکستان دے حالات معمول تے آونڑ لگ گین اتے ڈوہاں ملکاں افغان امن عمل کیتے رل تے کم کرنڑ تے اتفاق کیتے۔ترجمان دفتر خارجہ آکھیے جو پاکستان اچ این جی او تے کوئی پابندی کائنی،141 بین الاقوامی این جی اووزاچوں 74 این جی اوزکو ں کم کرنڑ دی اجازت ڈتی گئی اے۔
