اسلام آباد۔31اگست(اے پی پی)وزیراعظم عمران خان آکھیے جو پاکستان کوں غذائی پیداوار اچ اپݨے پیریں تے کھڑا کرݨ ترجیح اے۔ ڳالھ انہاں وفاقی وزیر برائے غذائی تحفظ سید فخر امام نال ملݨ ویلھے آکھی۔ وفاقی وزیر چاول، گنا، مکئی اتے کپاہ سودھا خریف فصلاں دی پیداوار اچ متوقع ودھارے دا ݙسایا اتے لائیو سٹاک و ماہی گیری دے شعبے اچ اصلاحات تے بریفنگ ݙتی۔ انہاں ݙسایا جو لائیو سٹاک دی جدید افزائش نسل، خوارک اتے صحت سہولتاں چنڳیاں کیتاں وینداں پین، ودھ پیداوار سانڳے تحقیقی اداریاں اچ اصلاحات تھیسن۔ وزیر اعظم پاکستان کوں غذائی پیداوار اچ خود کفیل ٻݨاوݨ اتے زرعی شعبے اچ جدت کیتے ایگریکلچرل ٹرانفارمیشن پلان تے عملدرآمد تے زور ݙتا۔
