اسلام آباد۔8ستمبر (اے پی پی):پراجیکٹ ڈائریکٹر چائنا پاکستان اکنامک کوریڈور عاصم ایوب نال انرجی چائنا دے جنرل منیجر لی زوفنگ ملاقات کیتی اے ۔ ملاقات دے دوران انرجی چائنا دے جی ایم عاصم ایوب کوں گرین انرجی سیکٹر اچ براہ راست غیر ملکی سرمایہ کاری دے آپݨے وژن دا ݙسایا تے انہاں کوں سولر انرجی سیکٹراچ وݙے پیمانے تے مجوزہ سرمایہ کاری تے ڳالھ مہاڑ کرݨ توں انڄ کمپنی دا نواں بروشر وی پیش کیتا ۔اے سرمایہ کاری سولر پی وی مینوفیکچرنگ یونٹس اتے پاور پلانٹس دے قیام دے ذریعے پاکستان دی سولر مینوفیکچرنگ انڈسٹری کوں ترقی ݙیوݨ اچ مددگار ثابت تھیسی جیں توں ملک اچ قابل تجدید توانائی دا حصہ ودھ ویسی ، ایں پالیسی توں حکومت دی آوݨ آلی سولر انرجی پالیسی وی پوری طرح فیدہ چیسی ۔
