اسلام آباد۔24جنوری(اے پی پی) صدر مملکت ڈاکٹر عارف علوی وفاقی اردو یونیورسٹی برائے آرٹس ، سائنس اتے ٹیکنالوجی دے 4 سینیٹ ممبراں دی تعیناتی دی منظوری ݙے ݙتی۔ ایوان صدر دے پریس ونگ توں منگل کوں جاری بیان موجب صدرمملکت تدریسی شعبے توں پروفیسر ڈاکٹر سروش حشمت لودھی، پروفیسر ڈاکٹر محمد خالد انیس اتے پروفیسر ڈاکٹر تنویر خالد کوں یونیورسٹی دے سینیٹ ممبراں دی حیثیت نال تعینات کیتے اتے سوسائٹی توں شاہد شفیق بطور سینیٹ ممبر فیڈرل اردو یونیورسٹی تعینات کرݙتے۔ صدرمملکت تعیناتیاں آئین دے آرٹیکل 48 ہک ، رولز آف بزنس اتے یونیورسٹی دے آرڈیننس دے تحت کیتن۔
