اسلام آباد – 08 جنوري (اي پي پي) وزيراعظم عمران خان ايندڙ هڪ هفتي ۾ گئس جي کوٽ پوري ڪرڻ کي يقيني بڻائڻ جي هدايت ڪندي چيو آهي ته گئس جي طلب ۽ پهچ، انگن اکرن جي تجزين ۽ ڪاٿن جي حوالي سان پيش ايندڙ مسئلن جي حل لاءِ ٺوس نظام جوڙيو وڃي، جڏهن ته بجلي چوري جي خلاف مهم ۾ پڻ تيزي آندي وڃي ۽ ان ڳالهه کي يقيني بڻايو وڃي ته ڪنهن جي چوري يا بدانتظامي جو بار عوام تي نه پوي. هو ڪابينا جي توانائي بابت ڪميٽي جي بريفنگ اجلاس جي صدارت ڪري رهيو هو.
